Laj twa zan an amizan pou mwen!
Mwen kirye e mwen ka poze anpil kesyon. Mwen bezwen èd ou pou mwen APRANN NOUVO BAGAY.
MWEN KAPAB DIFISIL AK MANJE PAFWA.
Mwen ka renmen yon manje yon jou, men m pa renmen li nan demen. Pa gen pwoblèm si mwen manje anpil pafwa, epi gen yon lòt fwa mwen pa manje anpil. Kèk jou mwen ka plis grangou pase yon lòt jou, sa a nòmal. M ap manje lè mwen grangou.
Mwen ka pridan lè pou m manje nouvo manje. Mwen ka bezwen wè yon manje 10 fwa oswa plis anvan mwen aprann renmen li. Tanpri kontinye ofri l, men pa fòse m manje.
SONJE…
- Travay ou se pou ofri yon varyete manje ki kenbe moun an sante epi deside ki lè nou pral manje ak pran ti goute nou yo.
- Travay mwen se deside si, kisa, ak ki kantite mwen pral manje nan chwa manje ou bay yo.
MWEN BEZWEN OU APRANN MWEN…
- Kijan pou m konpòte m byen sou tab.
- Lè mwen dwe di “wi, tanpri” ak “non, mèsi”.
- Mwen pa ka sèlman manje sa mwen pi renmen (tout tan).
- Li pa bon pou plenyen, kriye, oswa fache lè mwen wè nouvo manje.
MEN SA KI PRAL EDE:
- Manje chita ak ti goute nan lè ki regilye pou m gen chans pou m manje chak 2 jiska 3 èdtan.
- Sèlman ofri dlo ant repa ak ti goute yo.
- Ofri omwen yon manje mwen renmen nan chak repa ak ti goute.
- Sèlman pèmèt manje ak konvèsasyon ki plezan sou tab la. Etenn televizyon, òdinatè ak telefòn. Pale avè m sou jounen an.
- Montre m ki jan pou m yon bon manjè. Lè m wè w ap manje aliman ki kenbe moun an sante sa fè m anvi eseye yo tou.
Men kèk egzanp sou ki gwosè pòsyon repa ak ti goute yo ta ka ye nan plat mwen an.
Manje maten
½ tranch zoranj
½ tas pwavwon koupe an ti mòso
½ tas dlo
1 tranch pen antye griye koupe an moso
1 ze kuit, bwouye
½ tas fwomaj rache
Manje midi
½ tas rezen koupe an mwatye
½ tas kawòt kuit, tranche
½ pen pita grenn antye mwayen
ak 1 ons kodenn chakitri san grès tranche
avèk 1 tranch fwomaj
½ tas dlo
Ti goute
2 oswa 3 bonbon grenn antye
ak 1 baton fwomaj an fil, koupe an kat nan longè
1 tranch pen ak grenn antye
avèk 1 ti kiyè manba tatine
½ tas lèt ki pa gen anpil grès ladan
bwè dlo ant repa ak ti goute yo
Dine
½ tas pwa tranche
½ tas legim melanje kuit, koupe an ti moso
½ tas lèt ki pa gen anpil grès ladan
¼ tas diri mawon kuit
¼ tas pwa pinto kuit
Kantite gwoup manje yo sigjere chak jou
FWI
3 pòsyon chak jou – 1½ tas total
1 pòsyon = ½ tas
Fwi ki kri, mou oswa ki kuit.
Pire, tranche, oswa rache.
Ofri yon varyete: wouj, jòn, oranj, ble, ak vèt.
LEGIM
3 pòsyon chak jou – 1½ tas total
1 pòsyon = ½ tas
Legim kuit ak kraze, tranche, oswa rache.
Ofri yon varyete: vèt fonse, oranj, wouj, jòn, ak vyolèt.
GRENN
6 jiska 8 pòsyon chak jou – 3 jiska 4 ons total
1 pòsyon = ½ ons
Pen grenn antye, totiyas, diri, nouy.
Sereyal ki sèk oswa kuit.
PWOTEYIN
3 jiska 4 pòsyon chak jou – 3 jiska 4 ons total
1 pòsyon = 1 ons
Vyann san grès, volay, oswa fuidmè.
Ze.
Pwa kuit, pwa, oswa tofou.
Manba.
PWODUI LETYE
5 pòsyon chak jou – 2½ tas total
1 pòsyon = ½ tas
Lèt ki pa gen anpil grès oswa ki san grès.
Yogout.
Fwomaj.
Gade kisa m ka fè!
- Mwen ka ede w! Mwen santi mwen kontan lè mwen ede ou fè manje. Mwen gen plis chans goute sa mwen te ede kreye tou.
- Mwen ap aprann ki jan yo pliye ak vlope. Mwen ka ede pliye tòchon.
- Mwen ap aprann kijan pou m vide. Mwen ka ede vide dlo nan gode plastik.
- Mwen ka sèvi ak yon gwo kiyè pou ede brase pat krèp oswa pòmkèt lan.
- Mwen ka sekwe bagay avèk de men mwen, tankou boutèy plastik ki genvinegrèt ladan. Asire w ke kouvèti yo byen sere!
- M ap aprann simaye. Mwen ka ede mete manba ak jele sou tranch pen pandan m ap itilize yon kouto plastik ki pa file.
Kenbe m an sekirite ak an sante
Mennen m kay doktè pou egzamen fizik mwen an.
Ede m bwose bouch mwen 2 fwa pa jou epi pase fil dantè chak jou.
Nou bezwen lave men nou souvan. Aprann m kijan pou m lave men m ak dlo tyèd ak savon. Mwen bezwen lave yo pandan 20 segonn, oswa tan li pran pou chante “Row, Row, Row Your Boat.”
Mwen bezwen règ ki senp. Mete limit sou kilè, ki kote, ak konbyen fwa nou gen tan pou rete devan ekran. Pale sou sa m ap aprann pandan n ap gade ansanm, epi pwoteje m kont sa m pa ta dwe wè. An nou konsantre youn sou lòt pandan repa ak ti goute yo, men pa sou yon ekran.
