Mwen ap grandi ak aprann chak jou.
Mwen bezwen èd ou pou m vin yon bon manjè epi ESEYE NOUVO MANJE!
KISA
- Ofri ti kantite (1 jiska 2 gwo kiyè) plizyè manje, menm sa ou pa renmen yo.
- Ofri m yon nouvo manje ansanm ak yon manje mwen abitye.
KÒMAN
- Kite m itilize kiyè mwen an, dwèt mwen, oswa toulede. Mwen aprann lè mwen santi, goute, ak touche manje.
- Si mwen pa renmen yon nouvo manje tousuit, sa pa pwoblèm! Ofri li ankò yon lòt lè. Li ka pran 10 fwa oswa plis anvan mwen deside eseye li.
- Tanpri pa fòse m manje. Kite m manje fason pa m – vit oswa dousman.
KILÈ
- Mwen bezwen yon woutin. An n manje nan menm lè a chak jou.
- Lestomak mwen toujou piti, kidonk mwen grangou chak 2 oswa 3 èdtan.
- Mwen fè pi byen ak 3 repa (dejene, manje midi, dine) ak 2 oswa 3 ti goute.
- Mwen sèlman bezwen bwè dlo ant repa ak ti goute yo.
KI KOTE
- Manje avè m. Lè w ap aprann nouvo bagay sa kapab efreyan. Mwen santi mwen an sekirite avèk ou epi mwen pral aprann pi byen ak sipò ou.
Kite m deside kisa ak ki kantite pou m manje.
Tanpri, pa fòse m manje plis oswa mwens pase sa mwen vle a.
Men kèk egzanp sou ki gwosè pòsyon repa ak ti goute yo ta ka ye nan plat mwen an.
Manje maten
¼ tas frèz koupe an ti mòso
½ tas lèt tete oswa lèt antye
½ tranch pen antye griye koupe an moso
1 ze kuit koupe an moso
Manje midi
½ fig gwosè mwayèn tranche
¼ tas pwa tann kuit, rache
¼ tas makawoni ak fwomaj grenn antye
½ tas dlo
Ti goute
½ tas sereyal sèk
2 a 3 ti bobon grenn antye ak fwomaj
¼ tas kawòt kuit, rache
bwè dlo ant repa ak ti goute yo
Dine
¼ tas konpòt pòm
½ tas bwokoli kuit, koupe an moso
1 tòtiya mayi medyòm, koupe an moso
¼ tas pwa pinto kuit, pire
½ tas lèt tete oswa lèt antye
Kantite gwoup manje yo sigjere chak jou
FWI
2 pòsyon chak jou – 1 tas total
1 pòsyon = ½ tas
Fwi ki kuit, mou oswa ki kri.
Kraze, tranche, oswa rache.
Offri yon varyete: wouj, jòn, oranj, ble, ak vèt.
LEGIM
2 pòsyon chak jou – 1 tas total
1 pòsyon = ½ tas
Legim kuit ak kraze, tranche, oswa rache.
Ofri yon varyete: vèt fonse, oranj, wouj, jòn, ak vyolèt.
GRENN
6 pòsyon chak jou – 3 ons total
1 pòsyon = ½ ons
Moso ki menm gwosè ak mòde.
Pen grenn antye, totiyas, diri, oswa nouy.
Sereyal ki sèk oswa kuit.
PWOTEYIN
2 pòsyon chak jou – 2 ons total
1 pòsyon = 1 ons
Vyann kuit, rache, bèt volay, oswa pwason.
Ze.
Pwa kuit, pire oswa ti pwa.
Manba.
PWODUI LETYE
4 pòsyon chak jou – 2 tas total
1 pòsyon = ½ tas
Lèt matènèl (nan tete oswa ki tire) oswa lèt antye.
Yogout.
Fwomaj.
Gade kisa m ka fè!
- Mwen konprann anpil nan sa ou di yo. Li, pale, epi chante pou mwen pou m ka aprann plis!
- Mwen renmen imite sa ou fè. Kite m jwe ak yon bòl ak yon kiyè. M pral pretann m ap brase manje menm jan ou fè a.
- Mwen toujou ap aprann kijan pou m itilize yon kiyè ak yon tas. Tanpri rete pasyan ak dezòd mwen an.
- Mwen kapab itilize men mwen pou m poze blòk, voye balon, ak pouse ak rale jwèt. Jwe ak mwen!
Kenbe m an sekirite ak an sante
Mwen renmen kouri, vòltije, ak grenpe. Gade m lè m aktif pou m pa blese.
Mwen renmen eksplore. Mwen ouvri pòt ak tiwa pou m wè sa ki gen ladan yo. Kite m aprann, men kenbe m ansekirite.
Tanpri PA ban mwen manje ki ka toufe mwen tankou nwa antye, rezen antye, grenn, òldòg, oswa sirèt ki di.
Mwen bezwen egzamen ak vaksen pou m rete an sante. Mwen ta dwe konsilte doktè a lè m gen laj 18 mwa ak 2 lane.
Si mwen poko wè dantis la, pran premye randevou mwen. Mwen ta dwe bwose dan mwen de (2) fwa pa jou. Mande dantis mwen an kijan pou m kenbe dan m an sante.
Se pou avèk mwen pandan moman m ap pase devan ekran epi entèraji avè m. Sonje, pou pwograme anpil moman san ekran nan jounen mwen.
