M ap aprann fè plis pou tèt mwen.
Mwen bezwen ESTRIKTI AK SIPÒ pou m yon bon manjè.
Pou m manje pi byen, mwen bezwen pou pwopoze m opsyon manje ak ti goute ki kenbe m an
sante. Se mwen menm ki pou m fè travay mwen nan sa ki gen pou wè ak manje.
TRAVAY OU SE POU DESIDE:
- Ki manje yo ofri
- Kilè yo ofri manje a
- Ki kote y ap manje l
TRAVAY MWEN SE POU M DESIDE:
- Si m ap manje oswa si m pa p manje
- Kisa mwen pral manje nan manje yo ofri a
- Ki kantite m pral manje
Pa enkyete w si mwen pa vle manje yon repa oubyen ti goute.
Di mwen kilè ou pral ofri mwen pwochen repa oswa ti goute mwen.
Li pwobab pou m gentan grangou.
TI GOUTE ESPESYAL
Ti goute yo ede m jwenn sa m bezwen pou m grandi, jwe, ak aprann. Vant mwen piti, kidonk mwen grangou chak 2 oswa 3 èdtan. Ofri m yon ti goute ant manje maten ak manje midi, yon ti goute ant manje midi ak dine, ak yon ti goute anvan ou al dòmi.
Men kèk egzanp sou ki gwosè pòsyon repa ak ti goute yo ta ka ye nan plat mwen an.
Manje Maten
¼ tas franbwaz koupe an ti mòso
½ tas lèt ki pa gen anpil grès oswa ki san grès
1 tranch pen griye ak grenn antye
1 ze kuit, bwouye
Manje Midi
1 melon mwayen koupe an moso
1 ti epi mayi kuit
½ tas dlo
1 tranch pen ak grenn antye
avèk 1 ons kodenn chakitri san grès oswa janbon
avèk 1 tranch fwomaj
Ti Goute
½ tas mitiy rache
avèk ½ tas yogout ki pa gen anpil grès ladan
5 oswa 6 bonbon grenn antye
avèk 4 oswa 5 kib fwomaj
½ tas kawòt tranche
1 ti kiyè manba
bwè dlo ant repa ak ti goute yo
Dine
½ tas pèch tranche
½ tas bwokoli kuit
½ tas lèt ki pa gen anpil grès ladan
½ tas diri mawon kuit
1 ons somon nan bwat degoute
Kantite Gwoup Manje yo Sigjere Chak Jou
FWI
3 pòsyon chak jou – 1½ tas total
1 pòsyon = ½ tas
Fwi ki kuit, mou oswa ki kri.
Pire, tranche, oswa rache.
Plizyè estil ak koulè: wouj, jòn, oranj, ble, ak vèt.
LEGIM
3 pòsyon chak jou – 1½ tas total
1 pòsyon = ½ tas
Legim kri oswa kuit, kraze, tranche, oswa rache.
Plizyè estil ak koulè: vèt fonse, oranj, wouj, jòn, ak vyolèt.
GRENN
6-8 pòsyon chak jou – 3-4 ons total
1 pòsyon = ½ ons
Pen grenn antye, totiyas, diri, nouy.
Sereyal ki sèk oswa kuit.
PWOTEYIN
3-4 pòsyon chak jou – 3-4 ons total
1 pòsyon = 1 ons
Vyann san grès, volay, oswa fuidmè.
Ze.
Pwa kuit, pwa frans, oswa tofou.
Manba.
PWODUI LETYE
5 pòsyon chak jou – 2½ tas total
1 pòsyon = ½ tas
Lèt ki pa gen anpil grès oswa ki san grès.
Yogout.
Fwomaj.
Gade kisa m ka fè!
- Mwen ka ede ranje tab la.
- Mwen ka fwote epi siye yon tab oswa yon kontwa avèk yon twal oswa yon eponj.
- Mwen ka rache ak chire legim pou yon salad.
Kenbe m an sekirite ak an sante
Asire w ke manje yo koupe ase piti pou yo pa toufe m.
Mennen m kay doktè pou egzamen fizik mwen yo.
Ede m bwose dan mwen 2 fwa pa jou ak yon ti bwòs dan mou ak yon kantite pat ki gwosè pwa. Aprann mwen kijan pou m peze pat la epi pase fil dantè mwen chak jou.
Nou bezwen lave men nou souvan. Aprann mwen kijan pou m lave men m ak dlo tyèd ak savon. Mwen bezwen lave yo pandan 20 segonn, oswa tan li pran pou chante “Row, Row, Row Your Boat.”
Mwen bezwen règ ki senp. Mete limit sou kilè, ki kote, ak konbyen fwa nou gen tan pou rete devan ekran. Pale sou sa m ap aprann pandan n ap gade ansanm, epi pwoteje m kont sa m pa ta dwe wè. An nou konsantre youn sou lòt pandan repa ak ti goute yo, men pa sou yon ekran.
