Pran Swen Tibebe W La6 jiska 12 Mwa

Mwen se Tibebe Ou a.

Mwen grandi pi byen ak lanmou epi manje ki kòrèk.
  • Mwen bezwen lèt tete oswa lèt ki gen fè jiskaske mwen gen yon lane. Ou ka toujou ban m tete apre mwen gen yon lane.
  • Mwen konnen lè mwen grangou oswa vant mwen plen. Mwen fè w konnen selon jan mwen aji. Tanpri ban m manje lè m aji tankou m grangou. Kite m manje jiskaske vant mwen plen.
  • Mwen pral gen yon pouse kwasans alantou 6 mwa. Mwen ka pran tete pi souvan oswa pi lontan.
  • M ap grandi rapid. Si mwen pran lèt tete oswa lèt nan yon bibwon, sa ka rive mwen bwè plis pase 4 ons lè m ap manje.
  • Lè m gen anviwon 7 oswa 8 mwa, ede m aprann kijan pou m bwè nan yon gode. Ofri yon gode lèt tete, lèt, oswa dlo nan moman manje ak ti goute.

Avèk Èd Ou Mwen Pral Aprann Konsome Manje

Lè mwen gen apeprè 6 mwa, mwen ka kòmanse konsome manje solid. Tanpri ale dousman.

Si fanmi nou gen alèji oswa mwen fèt prematire, pale ak pwofesyonèl swen sante mwen an oswa WIC anvan mwen kòmanse konsome manje solid.

Asire w Mwen Pare

Pou m konsome manje solid, mwen dwe kapab:
  • Chita epi kenbe tèt mwen dwat.
  • Montre mwen vle manje lè mwen ouvri bouch mwen oswa pran l nan yon kiyè.
  • Montre m pa vle manje lè m fèmen bouch mwen oubyen vire tèt mwen.

Mwen Pral Pase Pa 4 Etap Alimantè:

1

Mou: pase nan paswa oubyen pire

2

Kraze: mou avèk kèk ti moso

3

Koupe: plis ti moso

4

Moso manje ki soti sou tab

Fè Premye Manje Mwen an yon Sèl Manje

  • Ban mwen sèlman yon sèl nouvo manje alafwa. Sa ede m ajiste ak nouvo manje.
  • Fè li fen lè w ajoute lèt tete oswa lèt. Ofi amezi ou ka fè li pi epè.
  • Mwen ka manje apeprè yon ti kiyè pou kòmanse ak answit plis pandan mwen abitye manje nan yon kiyè.
Tann omwen 3 jiska 5 jou anvan ou eseye yon lòt nouvo manje.
  • Fokis sou manje mwen tolere yo. Ofri m sa ou konnen mwen renmen ansanm ak yon nouvo manje. Mwen pral renmen varyete a.
  • Chèche siy alèji a manje tankou vomisman, souf anlè, dyare, gratèl po, oswa enflamasyon. Si mwen gen yon reyaksyon kont yon nouvo manje, rele pwofesyonèl swen sante mwen an oswa mennen m nan sal dijans la.

Mwen Bezwen Manje Jan Mwen Vle

  • Mwen pral ouvri bouch mwen si mwen vle plis manje.
  • Mwen ap kite bouch mwen fèmen oswa vire tèt mwen si mwen pa vle plis manje; pa fòse m manje.
  • Mwen ka krache manje a oswa fè yon grimas ak vizaj mwen. M ap aprann nouvo gou ak kijan pou m deplase manje nan bouch mwen.
  • Si mwen pa renmen yon bagay, tann yon semèn epi kite m eseye li ankò. Mwen ka bezwen eseye yon nouvo manje 10 fwa anvan mwen renmen li!
  • M ap gen manje ki tonbe sou men m, nan figi m ak nan cheve m. Eseye pa estrèse akòz dezòd la. Se pou w fyè de mwen pandan m ap aprann manje.
  • Kite m manje poukont mwen avèk men mwen oswa yon kiyè. Mwen itilize machwè mwen pou kraze manje epi lang mwen ak dwèt mwen pou m deplase l nan bouch mwen.
  • Manje avè m nan dine fanmi nou. Mwen manje pi byen lè w avèk mwen. Etenn televizyon ak telefòn pou nou kapab pale.

Kite M Konsome Manje ak Dwèt Mwen

Apati 8 oubyen 9 mwa, mwen ka vle konsome manje ak dwèt mwen. Ou toujou bezwen itilize yon kiyè pou ba m manje, men kite m eseye manje poukont mwen tou.

Fè manje yo san danje pou m yo pa toufe m.

Manje ou ka manje ak “dwèt” san danje se:

  • Ti moso legim ki kwit oubyen fwi ki mou
  • Ti moso vyan ki kwit, poul, oubyen kodenn
  • Pwa ki kwit ki kraze, jòn ze, oubyen tofou
  • Nouy ki koupe oubyen diri
  • Yon bouche pen griye, bonbon sale senp, oubyen tòtiya mou
Fè moso manje yo pa pi gwo pase zong pous ou.

Ki kantite mwen ta dwe manje?

Mwen bezwen manje apeprè 5 a 6 fwa chak jou. Yon repa ta ka lèt tete oswa lèt tibebe, oswa yon repa ta ka lèt tete oswa lèt tibebe plis sereyal tibebe. Kòmanse ak 1 oubyen 2 gwo kiyè nan chak manje. Ban m plis si mwen vle. Mwen gendwa pa manje tout bagay ki nan asyèt mwen. Pandan m kòmanse ap manje plis, ou kapab ban m 2 oswa 3 kalite manje nan yon repa.

Men kèk ide:

6 - 8 mwa

2 gwo kiyè pèch pire
PLIS lèt tete oswa lèt tibebe
3 gwo kiyè sereyal avwàn ti bebe

8 - 10 Mwa

3 gwo kiyè diri mawon kwit
PLIS lèt tete oswa lèt tibebe
3 gwo kiyè pire pwa
1 gwo kiyè poul kuit, rache

10-12 Mwa

2 gwo kiyè zaboka rache
PLIS lèt tete oswa lèt tibebe
3 gwo kiyè pat grenn antye kwit, rache
Kite m manje jiskaske m montre siy vant mwen plen. Mwen kapab fèmen bouch mwen, vire oubyen souke tèt mwen, oubyen leve men mwen anlè. Mande m si vant mwen plen. Answit, kite m sispann manje si mwen vle fè sa.

Li Lè pou yon Gode

Lè mwen gen 6 mwa, ou ka ban mwen yon ti kantite dlo pandan mwen ap aprann bwè nan yon gode.

Sekirite Manje

  • Nou bezwen lave men nou anvan nou fè manje m oswa anvan nou ba m manje.
  • Mete manje m nan yon ti asyèt epi ban m manje l ak yon kiyè bebe.
  • Jete nenpòt manje, lèt tete oubyen lèt bebe ki rete nan yon bibwon, gode oswa asyèt apre m fin manje.
  • Pa chofe manje m nan mikwo-ond. Li kapab boule bouch mwen.
Entwodui Manba

Apre mwen fin eseye lòt manje solid, prezante m manba. Fè sa ka itil si fanmi nou gen alèji ki gen rapò ak manje oswa ze, tankou egzema oswa lòt pwoblèm po.

Gaye yon ti manba fen sou yon ti bonbon sèl oswa melanje l ak sòs pòm ak kannèl epi gaye l sou yon ti pen. Siveye m pandan 2 èdtan k ap vini yo pou asire w ke mwen pa gen yon reyaksyon.

Manje pou Evite
Mwen bezwen manje ki bon pou laj mwen epi ki pral ede m grandi pi byen.
Mwen pa bezwen ajoute sik, sèl, grès, oswa aditif. Tann pou ofri m ji jiskaske mwen gen omwen 12 mwa.
Pa ban mwen manje ki ka toufe mwen, tankou:
  • Legim kri
  • Bekonn
  • Rezen antye
  • Pwason ak zo
  • Tchip pòmdetè, mayi, oswa tòtiya
  • Pòpkòn
  • Sirèt ki di
  • Nwa
  • Òtdòg
  • Ti baton kawòt
Epitou, tanpri pa ban m manje ki ka fè m malad, tankou:
  • Lèt bèf
  • Vyann ki ra oswa kri
  • Siwo myèl oswa manje ki fèt ak li. Siwo myèl pafwa gen bakteri (Clostridium Botulinum) ki ka fè ti bebe malad. Mwen pa ta dwe gen siwo myèl jiskaske mwen gen omwen 12 mwa.

Jwe ak mwen!

Mete m sou yon dra sou planche a. Mete yon jwèt yon ti jan lwen mwen pou m ka bouje pou m pran li. Woule yon balon ban mwen. Kenbe toulède men m epi kite m mache ak ou.

Gade kisa m ka fè!

Mwen renmen aprann de ou. Fè lekti pou mwen. Chante yon mizik. An nou fè jwèt tankou peek-a-boo. Mennen m al mache epi montre m nouvo bagay. Mwen aktif — toujou siveye mwen!

Kenbe m an sekirite ak an sante

  • Mwen bezwen egzamen ak vaksen pou m rete an sante. Mwen ta dwe vizite pwofesyonèl swen sante mwen an nan laj 6 mwa, 9 mwa, ak 1 lane.
  • Siye jansiv mwen ak yon twal pwòp, mouye, aprè mwen fin manje. Mande dantis la si mwen bezwen fliyò.
  • Pa janm mete m nan kabann ak yon bibwon. Mwen kapab trangle, gen zòrèy fèmal, oswa gate dan mwen.
  • Si lòt moun ap ban m manje, asire w yo mande kisa ak ki kantite mwen manje.
  • Kite m eksplore ak aprann. Gade chak chanm menm jan m pral gade l apati planche a, epi rann li sekirize ou mwen.
  • Kenbe m lwen sigarèt, tabak, ak tout lòt lafimen oswa vapè. Lafimen atake poumon m epi l ka fè m malad.
  • Pase senti sekirite nan yon chèz timoun nan machin anvan nou kondwi yon machin ak mwen. Se sa lalwa di! Enstale chèz mwen an nan chèz dèyè machin nan, fas dèyè.
Klike la a pou aprann plis sou sekirite chèz machin.
Pou jwenn plis sipò, kontakte WIC Breastfeeding Peer Counselor lokal ou a pou kesyon ou ka genyen sou bay tete.

Bay yon Tibebe 6-7 Mwa Manje

Bay manje pire nan kiyè ak nan yon bòl, jamè nan yon bibwon. Kòmanse ak legim an premye pou kèk jou anvan ou prezante manje annapre a.

Bay yon Tibebe 10-12 Mwa Manje

Lèt tete se sous nitrisyon ki pi enpòtan pou tibebe w la, menm apre ou kòmanse ofri l manje solid.

Bay yon Tibebe 8-9 Mwa Manje

Bay manje ki solid yo nan kiyè. Pa janm mete sereyal nan yon bibwon.

Konsèy

Mom new born home

LÈT TETE AK LÈT TIBEBE:

Anviwon 2-3 semèn, 6 semèn, 3 mwa, ak 6 mwa daj, ti bebe yo ka fè fas ak yon pouse kwasans lè yo manje pi souvan.

Pandan y ap grandi ti bebe yo ka kenbe plis lèt, kidonk lè ant chak repa vin gen plis eka epi yo pran mwens tan.

Pou anpeche l toufe, toujou kenbe tibebe w la lè w ap ba li manje. Pa janm soulve yon bibwon lè w ap bay manje.

Kòmanse ofri lèt antye lè tibebe w la gen yon lane.

Akademi Ameriken pou Pedyatri (American Academy of Pediatrics) rekòmande pou bay tete eksklizif pandan sis premye mwa yo epi kontinye bay tete pandan omwen 12 mwa ak plis.
feeding solid foods

BAY MANJE KI SOLID:

Rete tann pou w ofri manje solid jiskaske tibebe w la:
  • Ka chita epi kenbe pwòp tèt li.
  • Louvri bouch li lè li wè manje.
  • Ka fèmen bouch li w ap foure yon kiyè nan bouch li.

Pou anpeche l toufe, toujou kenbe tibebe w la lè w ap ba li manje. Pa janm soulve yon bibwon lè w ap bay manje.

Eseye yon sèl nouvo manje alafwa. Tann 5 jou anvan ou eseye yon lòt nouvo manje pou siveye alèji. Alèji ak yon manje ka gen ladan souf anlè, gratèl, oswa dyare.

Prezante manba anviwon 6 mwa. Gaye yon ti manba oswa nwa fen sou yon ti bonbon sèl. Veye tibebe w la pou wè si gen nenpòt reyaksyon pandan 2 èdtan apre yo.

Tibebe ki poko gen yon lane PA ta dwe bwè siwo myèl oswa manje ki ka lakòz yo toufe tankou nwa oswa rezen antye.

Tout tibebe yo diferan. Pale ak WIC oswa pwofesyonèl swen sante tibebe w la sou bezwen tibebe w la.

Endis Alimantasyon

Bay yon Tibebe 4-5 Mwa Manje

Anvan dan yo parèt, siye jansiv la ak yon twal mou, pwòp apre chak repa, espesyalman anvan li dòmi.

Bay yon Tibebe 0-3 Mwa Manje

Tibebe ki fenk fèt yo gen ti vant epi yo bezwen manje souvan. Nan premye semèn yo, ou ka bezwen reveye tibebe w la pou ba li manje si li dòmi pou plis pase 4 èdtan.
Pouse Kwasans
Anpil ti bebe rechiya pandan yon pouse kwasans epi yo vle fè plis tan ap tete epi pi souvan. Yo rele sa alimantasyon an grap. Sa a se fason tibebe w la ede w ogmante pwodiksyon lèt ou pou w ka reponn ak bezwen l yo. Sonje byen, plis tibebe w la ap pran tete, se plis kò w ap pwodui lèt.
Pouse kwasans ka rive nenpòt ki lè, epi chak ti bebe diferan.
Yo souvan rive nan laj sa yo:
two-three-weeks
2 jiska 3 Semèn
six-weeks
6 Semèn
three-months
3 Mwa
six-months
6 Mwa

Ki manje mwen ka jwenn?

Lis Manje Otorize

Ki kote mwen ka achte?