Mwen se yon timoun piti.
Mwen aprann lè nou MANJE ANSANM.
Repa familyal ede m grandi nan plizyè fason. Mwen aprann konpetans langaj, konpetans sosyal, epi mwen manje pi byen lè nou manje ansanm. An nou manje repa familyal ansanm souvan jan sa posib.
MEN KÈK FASON POU FÈ REPA FAMILYAL YON DETANT AK AMIZAN:
- Fè yon ti sispann gade ekran yo ak lòt distraksyon pou nou ka konsantre sou fanmi an. Etenn televizyon, òdinatè ak telefòn.
- Pèmèt mwen sèvi tèt mwen. Aprann mwen pran yon ti kantite avan. Fè m konnen mwen ka pran plis si mwen toujou grangou.
- Pale avèk mwen konsènan sijè pozitif oswa net tankou sa mwen te fè, ak ki moun mwen te pale ak sa mwen te aprann jou sa a.
- Kite m manje nan pwòp ritm mwen ak nan pwòp fason mwen. Tanpri pran pasyans avèk mwen.
- Mwen fè pi byen ak yon woutin ak limit. Ofri manje ak ti goute chak 2-3 èdtan nan apeprè menm lè yo chak jou. Mwen fè pi byen lè mwen gen chwa. Pa egzanp, nan lè ti goute ou ta ka mande m “ou vle pèch oswa frèz?”.
- Dlo se tout sa mwen bezwen ant repa ak ti goute yo.
APRANN MWEN KIJAN POU M KONPÒTE M SOU TAB.
- Ban m règ ki senp, klè ki mache pou ou menm ak pou mwen. Se pou ou konsistan ak règ yo pou mwen konnen ak kisa pou m atann mwen.
- Lè w ap aprann manje sa kapab konplike, men pa pèmèt mwen fè espre pou fè dezòd. Mwen pa dwe jete manje oswa lage l atè. Si mwen fè bagay sa yo, mwen pwobableman pa grangou e mwen dwe kite tab la.
Men kèk egzanp sou ki gwosè pòsyon repa ak ti goute yo ta ka ye nan plat mwen an.
Manje maten
¼ tas pèch rache
½ tas lèt ki pa gen anpil grès ladan
1 tranch pen fransè antye griye koupe an moso
Dejene
¼ tas mitiy rache
½ tas kawòt kuit, rache
¼ kesadiya ak fwomaj
2 gwo kiyè poul kuit, rache
½ tas dlo
Ti goute
½ tas sereyal sèk
avèk ½ tas lèt ki pa gen anpil grès ladan
¼ tas anana kraze
avèk ½ tas yogout ki pa gen anpil grès ladan
½ tas pwavwon tranche
bwè dlo ant repa ak ti goute yo
Dine
1 tranch melon mwayen, koupe an moso
½ tas souchi kuit, koupe an moso
½ tas lèt ki pa gen anpil grès ladan
½ tas diri mawon kuit
¼ tas pwa nwa kuit
Kantite Gwoup Manje yo Sigjere Chak Jou
FWI
2 pòsyon chak jou – 1 tas total
1 pòsyon = ½ tas
Fwi ki kri, mou oswa ki kuit.
Pire, tranche, oswa rache.
Ofri yon varyete: wouj, jòn, oranj, ble, ak vèt.
LEGIM
3 pòsyon chak jou – 1½ tas total
1 pòsyon = ½ tas
Legim kri oswa kuit, kraze, tranche, oswa rache.
Ofri yon varyete: vèt fonse, oranj, wouj, jòn, ak vyolèt.
GRENN
6 pòsyon chak jou – 3 ons total
1 pòsyon = ½ ons
Pen grenn antye, tòtiya, diri, nouy.
Sereyal ki sèk oswa kuit.
PWOTEYIN
2 pòsyon chak jou – 2 ons total
1 pòsyon = 1 ons
Vyann kuit, rache, bèt volay, oswa pwason.
Ze.
Pwa kuit, pwa frans, oswa tofou.
Manba.
PWODUI LETYE
4 pòsyon chak jou – 2 tas total
1 pòsyon = ½ tas
Lèt ki pa gen anpil grès oswa ki san grès.
Yogout.
Fwomaj.
Gade kisa m ka fè!
- Mwen ka kouri epi jwe ak lòt moun. Ann aktif ansanm pandan 30 jiska 60 minit chak jou.
- Mwen ka ede ak kèk travay nan kay ki senp, tankou ranje jwèt. Tanpri di mwen m ap fè yon bon travay!
- Mwen aprann anpil nan jwèt fè dezòd. Mwen ka melanje, vide, brase, epi fè fòm. Kite m eksplore sab, ajil, ak jwèt nan dlo.
- Mwen renmen chante. Aprann mwen chante tankou “Old McDonald” ak “The Wheels on the Bus.”
- Lè nou li ansanm mwen ka kòmanse li pou ou oswa rakonte ou yon istwa ak foto yo nan liv la.
Kenbe m an sekirite ak an sante
Mete bagay ki danjere yo yon kote mwen pa ka rive tankou chodyè ak kaswòl cho, pil, medikaman, detèjan, ak nenpòt bagay ki kapab toufe mwen.
Mennen m kay dantis lan pou l egzamine dan mwen yo. Ede m bwose dan mwen omwen de fwa pa jou ak yon ti bwòs dan ki piti ak soup ak pat dantifris. Aprann mwen kijan pou m peze pat la.
Nou bezwen lave men nou souvan. Aprann mwen kijan pou m lave men m ak dlo tyèd ak savon. Mwen bezwen lave yo pandan omwen 20 segonn.
Se pou avèk mwen pandan moman m ap pase devan ekran epi entèraji avè m. Sonje, pou pwograme anpil moman san ekran nan jounen mwen.
