Kriye Pèsistan nan
tibebe
Anpil tibebe yo bay pwoblèm, sitou nan aswè. Men, si tibebe w la kriye pandan yon bon bout tan san okenn rezon klè, li ka ap fè eksperyans epizòd kriye pèsistan (ke yo rele tou "kolik").
Siy Kriye Pèsistan
- Kriye oswa rele pandan plis pase twa èdtan pa jou, twa fwa pa semèn.
- Rale janm, voute do, oswa fè gaz pandan kriye.
- Kriye ka rive nenpòt ki lè men li souvan vin pi mal nan aswè.
Epizòd kriye pèsistan yo jeneralman kòmanse lè yon tibebe gen 2 a 4 semèn epi souvan amelyore oswa disparèt lè yo gen 3 a 4 mwa.
Kisa Ki Lakòz Kriye Pèsistan?
Doktè yo pa konnen kòz egzak la, men gen kèk tibebe ki ka kriye plis paske:
- Yo sansib ak manje nan rejim yon paran k ap bay tete, tankou kafeyin, pwodui ki gen lèt, oswa nwa.
- Sistèm dijestif yo ap devlope toujou.
- Yo gen yon pwoblèm medikal, tankou yon èni, yon Alèji ak Pwoteyin Lèt Bèf (CMPA), oswa refli.
Si ou panse kriye tibebe w la soti nan yon pwoblèm medikal, pale ak doktè w.
Kijan pou kalme ti
Bebe w la
- Kontak po ak po: Kenbe tibebe w la pre pou rekonfòte l.
- Mouvman dou: Balanse tibebe w la, pote l vlope, oswa mennen l fè yon ti mache.
- Kreye yon anviwònman kalm: Diminye bri, bese limyè yo, oswa jwe son bri blan.
- Beny cho: Yon beny ka pafwa ede tibebe w la detann.
Eseye "5 S yo":
- Swaddling (Vlope): Vlope tibebe a byen sere nan yon dra pou rekreye santiman sekirite lè li te nan vant lan. Sispann vlope tibebe a yon fwa li montre siy li ap eseye vire; li pa an sekirite.
- Supervised Side oswa Stomach Position (Pozisyon sou bò oswa sou vant anba sipèvizyon): Kenbe tibebe a sou bò oswa sou vant li (pandan je li klè epi anba sipèvizyon) pou ede kalme l. Toujou mete tibebe a sou do l pou l dòmi pou diminye risk Sendwom Lanmò Sibit Tibebe (SIDS, Sudden Infant Death Syndrome).
- Shushing (Fè li silans): Fè yon son "chh" toupre zòrèy tibebe a oswa itilize son bri blan pou repwodui son li te tande nan vant li.
- Swinging (Balanse): Sèvi ak mouvman dou, ritme pou kalme tibebe a, tankou balanse l nan bra w oswa nan yon balanswa tibebe sekirize.
- Sucking (Souse): Kite tibebe a souse yon tetin, men l, oswa tete w, paske souse se yon fason natirèl tibebe yo kalme tèt yo.
Si w ap bay tete, pale ak doktè w oswa WIC anvan w fè nenpòt chanjman nan rejim alimantè w la. Yo ka ede w konnen si kèk manje ka afekte tibebe w la.
Pran Swen
Tèt Ou
Pran swen yon tibebe ki kriye anpil kapab yon bagay ki bay strès. Sonje byen:
- Ou pa poukont ou, epi kriye tibebe w la pa fòt ou.
- Li nòmal pou mande èd nan men fanmi, zanmi, oswa yon pwofesyonèl swen sante.
- Pran poz lè sa nesesè. Mete tibebe w la nan yon kote ki sekirize tankou bèso li epi retire kò w pou kèk minit pou w ka reprann fòs ou.
Kriye san rete se yon faz pifò tibebe depase lè yo grandi. Si w ap enkyete w pou kriye tibebe w la oswa si w bezwen plis sipò, mande èd.
